رۆژی دوو شەممە 28-7-2025 خاتوو تەلار لطیف ئەندامی مەکتەبی سیاسی و لێپرسراوی ناوەندی کاروباری یاسایی یەکێتیی نیشتمانیی کوردستان  بە ئامادەبوونی بەڕێز هەڤاڵ ئاسۆ مامەند سەرپەرشتیاری کەرکوک-سەڵاحەدینی یەکێتیی نیشتمانیی کوردستان و ئامادەبوونی ژمارەیەک لە هەڤاڵانی سەرکردایەتی لەگەڵ ژمارەیەکی بەرچاو لە پارێزەر و مافپەروەرانی و مامۆستایانی زانکۆی  پارێزگای کەرکوک و دەوروبەریدا لە هۆڵی كۆبوونەوەكان لە مەكتەبی سیاسی شاری كەركوك کۆبوەوە .

‏‎ لە کۆبوونەوەکەدا هەڤاڵ ئاسۆ مامەند رۆڵی پارێزەر و مافپەروەرانی کەرکوک بەرزدەنرخێنێت ،وتی پارێزەران و مافپەروەران دوو توێژی دیار و پێویستن بۆ کۆمەڵگە و رۆڵی گرنگیان هەیە لە بەرجەستەکردنی یاسا.

لە كۆبوونەوەكەدا خاتوو تەلار لطیف سوپاسی بەرێز هەڤاڵ  ئاسۆ مامەند ی  کرد و بەخێرهاتنی  هەڤاڵانی سەرکردایەتی و تەواوی ئامادەبوانی کرد و سوپاسی خەمخۆری سەرکردایەتی شاری کەرکوکی کرد کە ئامانجیان بۆ خزمەتکردنی  ئەم دوو توێژە کاریگەرەیە .

‏‎وە باسى له وه كرد كه چالاكى ناوەندەکەیان بەردەوامی هەیە بە ئامانجی پێشخستن و گەشەپێدانی زیاتری تواناکانی پارێزەران و مافپەروەران، ئاماژەی بەوەشدا بۆ ئەو مەبەستەش گرنگی زیاتر بە پێشنیاز و داواکارییەکانی پارێزەران و مافپەروەران دەدەن .

‏‎هەروەها بەڵێنی هاوکاری و پشتیوانی تەواوی بە پارێزەران و مافپەروەرانی شاری کەرکوک و دەوروبەری دا بە ئەنجامدانی هەمان کار و چالاکییەکانی ناوەندەکە لەو سنورەدا  .‎