لە ڕێکەوتی ٣-٨-٢٠١٤ و بەر لە ١١ ساڵ و لەبەرچاوی هەموو جیهان لەلایەن تیرۆریستانی داعشەوە هەوڵی سڕینەوە و لەناوبردنی ئێزیدییەكان دراو بە دڕندانەترین شێوە ئازاردران و لەناوبران و دەیان و سەدان ژن ڕفێدران بوونە قوربانی ئەو دەستەی  تیرۆر و بە چەندەها شێوەی جیاواز و دڕندانە.. 

بۆ ئەوەی جارێکی دیكە تاوانی لەوجۆرە دوبارە نەبێتەوە، ئەرکی هەموانە ئەو تاوانانە ڕیسوا بکرێن، و لەئاستی نێودەوڵەتیشدا بە جینۆساید بناسرێت..

 ئێمەش وەك ناوەندی یاسایی( ی.ن.ک) بەڵێن دەدەین لە ڕێگەی یاساوە داكۆكیكاری سەرسەختی مافەكانی قوربانیانی ئەو کارەساتە بین،بەتایبەت ژنان و كچانی ئێزیدی، تاوەکو بتوانن بە یاسا  قەربووی بەشێك لە ئازار و زیانەکانیان بۆ بكرێتەوە.