کۆبونەوەى جێگرى سەرۆكى يەكێتى لەگەڵ ژمارەيەك لە پارێزەرانى نوێنەرايەتى ناوەندى كاروبارى ياسايى له پارێزگاكانى هەريم.
ئەمڕۆ بەرواری ٢٠٢٦/٥/٥ لە بارەگای مەکتەبی سیاسی (ی.ن.ک) بە سەرپەرشتی بەڕێزان (رەفعەت عبدللە ) جێگری سەرۆکی (ی.ن.ک) و سەرپەرشتیاری مەکتەبی کاروباری ڕێکخراوەیی و خاتوو (تەلار لەتیف ) ئەندامی مەکتەبی سیاسی و لێپرسراوی ناوەندی کاروباری یاسایی (ی.ن.ک ) کۆبونەوەیەک ئەنجام درا لەگەڵ ژمارەيەك لە پارێزەران کە نوێنەرایەتی ناوەندی کاروباری یاسایی دەکەن لە سەرجەم پارێزگاکانی هەرێم .
لە کۆبوونەوەکەدا تیشک خرایە سەر توانا و لێهاتووی و ڕۆڵی پارێزەران لە سەروەری یاسا و بەدیهێنانی دادپەروەری، پاشان
پارێزەران چەندین سەرنج و پێشنیازیان خستەڕوو پەیوەست به پیشه و ئەركەكانيان،وه جەخت كرايەوه كه یەکێتی نیشتیمانی کوردستان وەک هەمیشە پاڵپشت دەبێت بۆ بەدیهێنانی دادپەروەری و سەروەرى یاسا .
ناوەندی کاروباری یاسایی (ی.ن.ک)
٢٠٢٦/٥/٥
