ئەمڕۆ چواردەی نیسان، 36  ساڵ بەسەر ئەنفالی ناوچەی گەرمیان تێپەڕ دەبێت کە رژێمی بەعس لە چوارچێوەی پلان و نەخشەیەکی داڕێژراودا بە ‏دڕەندەترین شێوە ئەم پرۆسە تراژیدی و سامناکەی دەرهەق بە مناڵ و پیر و ‏ئافرەت و پیاو بێ جیاوازی و دوور لەهەموو پرەنسیپێکی ئینسانی ئەنجام دا. لەم یادە پڕ ‏شکۆیەدا سەری ڕێز و نەوازش بۆ گیانی پاکی شەهیدانی ئەنفال و گشت ‏شەهیدانی ڕێگای کوردستان دادەنەوێنین، هاوخەمی ڕێز و وەفامان بۆ کەسوکاری سەربەرزی ‏قوربانیانی ئەنفال هەیە کە بۆ هەمیشە لەگەڵ ئازارێکی بێ کۆتا گوزەر دەکەن.‏

بۆیە لەم یادە پڕ ناسۆر و مێژوویەدا گرنگە یەکڕیزی و گیانی لێبووردەیی نێوان ‏هێزە سیاسییەکان دووپات بکەینەوە بە کردار لەپێناو دووبارەنەبوونەوەی هەموو ئەو کارەساتانەی کە ‏بەسەر گەلەکەماندا هاتووە.

دوو بارە سڵاو لە گیانی پاکی شەهێدانی ئەنفال و گشت شەهیدانی کوردستان.

ناوەندی کاروباری یاسایی یەکێتی نیشتیمانی کوردستان

14/4/2024